Mar 8 2015
U MUNDU ‘NDI ‘MBIRIA … A FATA MORGANA
Succirìu o tempu ri conquistaturi, all’ocu i barbari calavunu cu bandi serbaggi e trovolgenti versu u sud. Na banda i chisti, dopu chi passau tutta l’Italia, rrivau ‘nto nostru mari e ssi truvau ravanzi ‘u Strittu chi spartiva a Sicilia ra Calabria. Si viriva vicina ill’atra parti, st’isula fatata, cu ribbi chini i purtualli e livi, cu na mantagna randi chi fumava “u Mungibeddu”, era ‘na terra ricca ma comu si rrivava? U re barbaru a vardava ‘mbriacatu, i supra u so cavaddhu, e non putiva fari nenti ma conquista. Mancu ‘na barca avìa. Ma ‘nti nu stanti ‘na fimmina i rara billizza meravigliosamenti ‘nci cumpariu ravanti e ‘nci rissi gentilmenti: “Vardi ‘st’isula cu pena. A voi? Ieu ta rugnu cu tutti i so paisi, chi so campagni ‘mprofumati e ca sò muntagna ‘nfocata. Vardila quant’è vicina.” Passau u misi r’agustu, cielu e mmari si cunfundunu, e ‘na bava di foschia si viriva ‘nto ‘rizzonti. ‘Nti n’attimu, cu nu signu ra fimmina, si vitti ‘na cosa rara. A Sicilia era dda a ddu passi r’iddhu. Vardau ‘nta ll’acqua e viriva limpidi i muntagni chini di ‘livari, i ribbi chini i purtuallari e limunari, i strati i campagna chi scecchi chi caminavunu, u portu i Missina cu tutti i barchi, i pinneddi ca rrobba scarricata e puru i marinari chi scarricaunu a rrrobba i supra i navi. Comu ‘nu babbu u Re satau ru cavaddhu e si ittau a mari pinzandu chi rrivava cu ddu bbrazzati i ll’autra parti ma sta scena finiu subbitu e u Re ffugau comu nu fissa. Chiddhu chi vitti era n’illusioni, nu iocu i luci i stà beddha fimmina misteriusa, chi era a “Fata Morgana”.
Stu fenomenu puru oggi si poti viriri ‘nte iurnati i ‘stati carmi e limpidi. Capita o spissu ‘nto misi r’agustu e ‘nto ‘mbrisciri ri iurnati i settembri quandu ri nostri parti si viri comu si fussi ttaccata a ribba ra parti siciliana, cu tutti i casi, i navi, e puru i genti chi caminunu pa strata.
‘Ndaimu quattru maneri chi putimu viriri a “Fata morgana”:
Atmosferica, quandu si virunu ‘nta ll’aria ttaccati a Sicilia e a Calabria;
Semplici, quandu si viri tuttu chiddhu chi ‘nc’esti supra a ribba ill’atra parti;
Murtiplici, si virunu murtiplicati i cosi e si viri ora a ‘na parti ora a n’atra, punti ri vicinanzi mortiplicati;
Mista, quandu si virunu i cosi sia ‘nto mari chi ‘nta ll’aria ‘nto stessu mumentu.
Tratto da un ritaglio di giornale
Foto di CARMELO-FIORE
