Set 11 2014
STA REGINA DI GENOVA VENUTA
Sta regina di Genova fu venuta
Maria Cunsulazioni titutala
A tutti li divoti mu n’daiuta
si vitti grazi cu la su arrivata.
Ampena vinni miraculi fici
a tri personi li avi sarvati.
Crollau u tettu di li casi antichi
e sti perzuni di sutta pressati
mediatamenti gridanu na vuci
Maria Cunzulazioni n’daiutati
Dinari s’avi e tanti curaggiusi
senza nessunu mali mi si faci
e li vicini restaru stupiti
cha sta bella Madonna l’ha sarvati.
Sutta li vostri grazi ‘ndi tiniti
poviri, bisugnusi e malati.
Sapimu tutti ca sdegnata siti
supra chissi muntagni desulati
Simu mancanti e ragiuni ‘nd’aviti
e vi pregamu mi ndi perdunati.
Sutta lu vostru mantu ‘nd’accogliti
cu stu Bambinu n’brazzaa chi purtati.
La Regina di l’Angili vui siti
chi non voliti figghi abbandunati.
dal web
